|
|
|
বিজ্ঞান অমসুং শিনশারোল
বিজ্ঞান অমসুং শিনশারোল হায়বসি শেলমিতলোনগী অমসুং খুন্নায়-মীয়ামগী চাওখতপা পুরকপদা লংশেক্নীঙায় ওইদবা ৱাফম্নী৷ হায়রিবা এস অমসুং টিদা মকোক ওইবগী মতৌ হায়বসিসু লৌশিংবু শেমগতপদা অমসুং শিন্থা পাংথোকপদা হন্দোক্নীংঙায় মমায় অমনি৷ কল-করখানাগী অনৌবা লমজংশিং (এভেন্যু) অমসুং ভারতকুম্বা চাওখতপদা মপুং-মরৈ ফাগত লক্লীবা লৈবাক অমদা খম্-থেংবা লৌশিংগী থবকশিং অসিনচিংবা হাংদোকপদা এস অমসুং টিদা খুম্মাং-চাওশিনবা হায়বসি খ্বায়দগী মরুওইবা শরুক (ফেক্তর) অমনি৷
মালেম পুম্বগী থেংনপুংদা মকোক ওইনবগীদমক, ভারতনা এস অমসুং টিগী লমদা মকোক ওইনা চোংথোক্লুনবা তকশিন্নীঙায় ওইবা ৱাফম্নী৷ লৈবাকসিগী মনুংদা চত্থরক্লীবা থি-হম্বগী থবক-থৌরমশিংগী ওইরিবা অনেম-অৱাংগী থাক (স্কেল) অমসুং কোল্লিবা ঙমখৈ (স্কোপ্) শিংবু হেন্না মঙম শালহন্নবা মতুং-তাবা পাঙ্গল অমা পীবগী দরকারসু লৈ৷ হেন্না ফগতপা আর অমসুং ডি ওইহন্নবগী মীতয়েংদা পুক্নীং থম্লবা-অদুগুম্বা মখল-মথেলগী ওইবদা পায়খতকদবা থবকশিংগী মতেংনা, লৈবাকসিগী থি-হুম্বগী লম্হাং-লম্লেনবু ফগতহনবগী দরকার লৈরি৷
জাতিগী লৌশিংগী হক শিন্নরবা লুপকী খন্ন-নৈনগদবা য়েতন-ৱারোল খরদুদি:
- থি-হুম্বগী মরীদা থাদরক্কদবা শেলফম ফংনবা হোতনবদা অথিংবা পলশিংবু লৌথোকপা অমসুং মশক খঙদোকপা
- ভারতনা মকোক থোংবা থৌদাংদি লৌবা ঙম্লগা, চাওরবা পাঙথোকপা ঙমদ্রিবা এস অমসুং টিগী ৱাথোক খর মশক খঙদোকপা
- এস অমসুং টিগী মনুংদা, বিষয় অমগ-অমগগী মরক্তা নাতৈ-চাদবা থোক্লগদবা অদুগী নৈনববু হৌগতপা অমসুং খঙদোকপা
- চাওখতপগী খম-থেংবা খুতলায় অমা ওইনা এস অমসুং টি শিজিন্নববু কুপ্না য়েংশিলহৌবা অমদি লায়রবা অমসুং খুদোংচাবগী হক ফংজদ্রবা কয়াগী ৱাথোকশীং কোকহন্নবা এস অমসুং টি শিজিন্নববু লায়থোকহনবা
|
|
|
