|
|
|
অফোংবা অমসুং অরাপ্পগী মহৈ-মশিং
অৱাংবা থাক্কী মহৈ-মশিংদা মিং চল্লবা মহৈরোয় মশিং তঙ্খায় অমদি মখোয়গী মহৈ-মশিং অসি অরাপ্পা পাম্বৈগী মতেংনা, হায়বদি অফোংবা তাইবং-মহৈকোলশিংদা পীবা ঈ-পাউ মরীনা তম্বীবা মশাং (কোর্স)- অসিনচিংবা কয়াদা, ফংলি৷ অদুবু অরাপ্পদা পীবা মহৈ-মশিং অসিগী নিয়ম চুম্বা খুতপু অমগী মতাংদা য়েতনবা, (মখা তাবা ডিগ্রিদা তমথনবগী অমদি চান্নবা থবক ফংবদা অয়াক পীবগী মতাংদা), অথিংবা অমদি লৈরি৷ হায়রিবা অফোংবগী ওইবা তমগদৌরীবা মশাংগী মচাকশিংগী (ওপন কোর্সওৱেয়র) মরীদা মমাংদা থোকখিদ্রীবা মওংদা খুদোংচাবা অমসু লৈ৷ ওপন কোর্সৱেয়রসিবু শন্দোকপদা চংলিবা ইন্টর্নেট ইনফ্রাস্ট্রকচর (ইন্টর্নেট পানখতপদা চংগদবা মচাক-মথুমগী শকওং) অসদি ব্রোদবেন্দ (পাকচাওবা খুতপু) অসিনচিংবসু হান্ননা চাওনা মপুং-মরৈ ফাহনবা মথৌ তারি৷ মতুং-তারকপদা, অসিগুম্বা মচাকশিংগী লঙ্গৈবু লোয়শংশিংদা শিজিন্ননবগীদমক জাতিগী লমসিদা হৈথোয়-শিংথোয়রবশিংনা মপুং-মরৈ নিংথিনা ফাহনবা ঙম্লগনি৷
জাতিগী লৌশিংগী হক শিন্নরবা লুপকী খন্ন-নৈনগদবা য়েতন-ৱারোল খরদুদি:
- অরাপ্পদা পীবা মহৈ-মশিংগীদমক মতোন খম থেংলবা শিনশারোল শিজিন্নবা
- পুক্নিংদা তশেংনা উবা লাইরিক তম্ফম কাশিংবু (ভের্চুয়েল ক্লাস রুম) শেমগতনবগীদমক মরাক চাওনা কনবা খুতপু (ব্রোদবেন্দ) ইন্টর্নেটকী ওইবা (ফাওনবগী লাংলৌ) শম্নবগী থবকশিং
- লৈবাকসিদা ওপন কোর্সৱেয়র অমসুং উপায়শিং (রিসোর্স) অসিগী য়েন্থোক্লীবা লঙ্গৈশিং
- ইন্টরোপেরেবিলিটি (পুম্নমক্কী মরক্তা ফগতনবগী শিন্থা পাংমিন্নবা), মহৈগী থাকশিং লিংখতপদা, অমদি, ও সি ডবলিয়ুবু মপুং-মরৈ ফাহনবদা কল-করখানাসু শরুক য়াহনগদবনি৷
|
|
|
