|
|
|
অনৌবা মশক হৌদোকপগী মতাংদা থি-হুম্বগী লমওন
ভারতকী অনৌবা মশক হৌদোকপগী য়ৌশিল্লবা মতা অমবু থোয়গত্হল্লবা মীতয়েংগা লোয়ননা অমদি শাসনগী থৌদাংশিংবু শোয়হন্দনবা অমদি অতোপ্পা কয়াতশিংবু অনৌবা মশক হৌদোকপদা ঙমহল্লিবা অমা ওইনা, অদুগা ভারতকী শেনমীত্লোনগী কাংলুপশিংদা চাংদম্নবগী মশকপু ফগত্হন্নবা অমসুং চাওখত্নবা শাফু পীরদুনা, এন কে সিগী অনৌবা হৌদোকপদা থম্লীবা পান্দমদি অসিগুম্বা অনৌবা মশক হৌদোকপা থৌওংসিনা করম্না পাংথোক্লী হায়বসিবু পুথোক্নবা অমসুং উথোক্নবা হোত্নবদুনী৷
পান্দমসি ফংনবা অমসুং মশিং য়াম্লবা অখোম্বা ৱারোলশিং (দেতা) অমদি থৌদোক্কী মরীদা নৈনবশিংদু খোমজিন্নবা এন কে সিনা হীরম মশাংগী লমওন (সর্ভে) অমা লৌখত্নে:
- চাওরবা পোত্শাশংশিং -- পোত্-চৈ শাফম অমসুং থবকশিং
- অপিকপা অমসুং ময়ায় ওইরপ্পগী পোত্শাশংশিং
- লৌউ-শিংউবা শরুক্কী কাংলুপ
চাওরবা পোত্শাশিংগীদমক্তা, অনৌবা মশক হৌদোকপা, থবক ফংলবা অমসুং ফংদ্রিবা মমাংগী পুকচেল তিংবা মতৌশিংগা লোয়ননা মখোয়গী থবক তৌবদগী ফংলকপা লৌশিংদু খন্নদুনা লৈবা লান্না শন্দোক্লীবা অদুগুম্বা থবক শুফমশিং (ফার্ম) অদুগী ওইবা সি ই ও শিংগী পাওখুমশিংবু থিদুনা এন কে সিনা মথং-মনাও শেম্লবা ৱাহং-পরেংগী নোম্না অমা শেম্লে৷ মদুগী নোম্নাদুগা চপ মান্ননা অপিকপা অমসুং ময়াম ওইরপ্পগী ওইবা পোত্শাশংগীদমক্তসু অমা শেম্লে, অদুগা মসিদা শিংনরকপদু খঙননবা অখঙ-অহৈগী শিন্সং পরেং নাইনা কাংলুপসিগী মরীদা পাংথোকখ্রে৷ লৌউ-শিংউবা কাংলুপকীদমক খঙ-হৈরবা মীওইশিং য়াওনা মী উন্নবগী থবক (ইন্টর্ভিউ) থঙন-থঙননা হৌখ্রে৷
হায়রিবা লমওন (সর্ভে) সিগী মহয়দি “অথোয়-অহেন তান্নবা অমদি চাওখত্-ফগত্নবগীদমক অনৌবা মশক হৌদোকপা” হায়বসিদা য়ুম্ফম ওইবা শিজিন্নবদা নুঙায়বা খুত্শেম অমগী শেম-শাবদু ওইরগনি, অমদি প্রধান মন্ত্রিগী মফমদা মরী লৈনবা শকখং-ৱারোলশিং লোয়নয়বা চিঠি অমগা পাওদম, অমগা পীশিনবা অদু ওইরগনি৷
|
|
|
