|
|
|
হকশেলগী ঈ-পাউগী মরী চত্নবা থবকশিং (নেটৱার্ক)গী লমওন
মগুন লৈবা হকশেলগী চেকশিল-থৌরাংলোমদা চংশিনবদা ফগত্নবা য়াথং অমা ওইনা, এন কে সিনা, লৈবাক্কী থাক্তা লৈরবা, ৱেবতা য়ুম্ফম ওইরবা, অশোয়-অঙাম য়াওদ্রবা হকশেলগী চেকশিন-থৌরাংদা ঈ-পাউগী মরী চত্নবা থবক অমা শেমগত্নবগী ওইথোকপদু উত্থোক্লী৷ থাজনিঙায় ওইরবা, অথুবা, অশেংবা মতমদা পাংথোকপা হকশেলগী মচাক-মথুম খোমজিনবগী পথাপ হায়বসি ভারতকী মগুন লৈরবা হকশেল ঙাক-শেনবদা কন্নবগী থৌদাং ৱাঙ্খত্হনবদা তঙায়ফদবা অমনি৷ হকশেলগী চেকশিল-থৌরাংগী মরীদা হেঙ্গত্লক্লীবা লন্নায় লোয়শংশিংনা থাক মান্নদবা হকশেলগী ওইবা খোমজিনবা মচাক-মথুম কয়ামরুম থোকহল্লি অমসুং পুম্নমক্কী মরক্তা অমত্তা ওইনা হকশেল ফগত্নবা হিরমদা শিন্থা পাংমিন্নবগী থবক্তু তৌদবা মরমগা ওইবগে, অসুম্না মনিং-তম্না পংশন্দা পন্দোকপসিনা হকশেলগী চেকশিল-থৌরাংগী থবকপু খম থেঙনা মমল নায়হল্লগনি৷ হেলথ্ লেভেল ৭ (এইচ এল ৭), সিষ্টেমাইজ নোমেনক্লেচর ওফ মেদিসিন ক্লিনিকেল টর্মস (এস এন ও এম ই দি সি টি), দিজিতেল ইমেজিং কম্ম্যুনিকেসন্স ইন মেদিসিন (দি আই সি ও এম) হায়বনচিংবা তোঙান-তোঙানবা অনা-লোয়শংশিং (ক্লিনিকেল) অমসুং আই টিগী থাকশিং অসিগুম্বা তাঙ্কসিদা ফংই৷ অসিগুম্বা ইকুই-কুইদনা থোক্লক্নীংঙায় ওইবা ৱাথোকশিংসিবু মাংওইননা য়েংশিন্নবা হকশেলগী অমগ-অমগা মরী ফাওনবা থবক (হন্ঠ নেটৱার্ক) অমা থিন্থদনা চংই৷
অহানবা খোংথাং অমা ওইনা, লৈবাকসিগী মনুংদা লৈরীবা, মরুওইবা হকশেল চেকশিল-থৌরাংগী শংশিংদা হৌজিক-হৌজিক শীজিন্নরীবা অমসুং মতুংদসু শীজিন্নগে খল্লিবা অনা-লোয়শংশিংগী (ক্লিনিকেল) অমসুং আই টিগী চত্নবী থাকশিং অদুগী মরীদা ঈ-পাও খোমজিন্নবা এন কে সিনা থবক লৌখতখ্রে৷ মথং-মনাও শেম্লবা ৱাহং-পরেংগী নোম্না (ক্বেশ্চনেয়ার) অমসু মকোক থোংবা হকশেল-চেকশিন-থৌরাংগী শং পুম্নমক্তা য়েন্থোকখ্রে অমদি লৈবাকসিগী হিদাক-লাংখক্কী কলেজশিং অমসুং থি-হুম্বগী শংলেনশিংদসু মখাগী হিরম অহুমগী মশকশিং মরুওইনা ফংনবা য়েন্থোকখি:
- হকশেল ঈ-পাউগী সোফটৱেয়ার (কম্প্যুটর থৌরমশিং) লৈবা শংশিংগী মওং অমসুং মশিং
- লোয়শংশিংনা জাতিগী থাক্তা চত্নহনগে নীংলিবা চত্নবী থাকশিং অমসুং মীয়াম্না তোয়না শীজিন্নরীবা অনা-লোয়শংশিংগী (ক্লিনিকেল) অমসুং আই টিগী চত্নবী থাকশিং
- হৌজিক-হৌজিক শীজিন্নরীবা অকক্নবা চত্নবী থাকশিংদা থেঙনরীবা ৱাথোকশিং
|
|
|
