|
|
|
ঐখোয়গী মরমদা | থবক্কী মরীদা তৌগদবা তাঙ্ককশিং অমসুং পান্দমশীং |
|
থবক্কী মরীদা তৌগদবা তাঙ্ককশিং
২০০৫ গী জুন ১৩ গী লৈঙাক-শাসনগী চেজন্দা (নোটিফিকেসন) খঙহনখিবা অদুগী মতুংইন্না, মখাদা পীরীবশিং অসি নেস্নেল নোলেজ কমিসনগী (এন কে সি) থবক্কী মরীদা তৌগদবা তাঙ্ককশিং অদুনী৷
- ২১ শুবা শতাব্দীগী মনুংদা লৌশিংগী মরীদা শীংনরকপশিংবু থেংননবা মহৈ-মশিংগী পথাপ্তা থোইদোক হেন্দোকপা মশক শেমগত্লু অমদি লৌশিংগী লমশিংদা ভারতকী চাংদম্নবগী খুদোংচাবশিং হেঙ্গত্হল্লু৷
- এস অমসুং টিগী লেবোরেটোরি (বৈজ্ঞানিক শং) শিংদা লৌশিং পোকহনববু থাক ৱাঙ্খত্হল্লু৷
- লম-খুম ঙাকচনবগী লৌশিংগী হকশিংগী মরীদা থম্লীবা লোয়শংশিংগী শিল-লাংবদা ফগত্হল্লু৷
- লৌউ-শিংউবা অমসুং কল-কারখানাগী লমদা লৌশিংগী শীন্থা পাংবদা থাক ৱাঙ্খত্হল্লু৷
- নাগরিকশিংদা কান্ননিংঙায় ওইবা, অমগা-অমগা ফাওনা-উনবা অমসুং দায়িত্ব পুনবগী থবক পীরিবা অদুগুম্বা লৈঙাক-শাসন অমা শেম্নবগী লৌশিংগী তৌবা ঙম্বা মতিক্তু শীজিন্নবদা থাক ৱাঙ্খত্হল্লু অমদি মীয়ামগী কান্নবদু খম থেংহন্নবা লৌশিংগী ওইবদা পাক-খোন্না শরুক য়ামিন্নবদু থাক ৱাঙ্খত্হল্লু৷
পান্দমশীং
নেস্নেল নোলেজ কমিসনগী খিলোন শারীবা পান্দমদি মশা খিংলবা লৌশিংদা য়ুম্ফম ওইবা খুন্নায় অমা মপুং ফাহনবা ঙম্নবনি৷ মসিনা লৌশিংগী লৈরীবা পথাপশিংবু মপুং ফাহনবা অমসুং লৌশিংগী অনৌবা মশকশিং শাগত্লক্নবগীদমক লম্বেল শেম্বা হায়রিবা থৌওং অনিসি থোকহল্লি৷
পাক-চাওনা শরুক য়াবা অমসুং খুন্নায়গী কাংলুপ খুদিংদা লৌশিংগী লম্বীদা চংসিনবা হায়বসি পন্থুংশিং য়ৌনবগী মচং ওইবা মরুওইবা ঙাক্তনী৷
মথক্কী মীতয়েংশিংসিদা, এন কে সিনা চানবা লোয়শংগী উচলশিং শেমগত্নবা হোত্নরকই :
- মহৈ-মশিংগী পথাপপু মপাঙ্গল কনখত্হল্লু, য়ুম-কৈগী থিহুম্বা অমসুং অনৌবা মশক হৌদোকপবু থাক-ৱাঙ্খত্হল্লু, হকশেলগী, লৌউ-শিংউবগী অমসুং কল-কারখানাগী লমদা লৌশিংগী শিন্থা পাংবদা হেন্না লায়হল্লু৷
- লৈঙাক-শাসন ঙাকপবু পাঙ্গল হেঙ্গত্হন্নবা অমদি অমগা-অমগা মরী ফাওনবগী থবকপু ফগত্নবা ঈ-পাও অমসুং লোল-ফাওনবগী খুত্নায়রোলশিংবু ৱাংনা থাঙ্গত্লু৷
- মালেমগী থেংনপুংদা চংনবা লৌশিংগী পথাপশিংবু অমগা-অমগা হোংদোক্ননবা অমসুং মরক্তা ঈথিল পীননবা অনৌবা শেম-শাবগী খুতহৈ অমা পুথোকউ৷
|
|
|
