|
|
|
নেস্নেল নোলেজ কমিসনগী মরমদা
জাতি অমগী লৌশিংগী শেল্লেপ্পু শিজিন্নবা অমসুং শেমগত্পা হায়বা তৌবা ঙম্বা মশকসিনা মীওইবগী তৌবা ঙম্বা থবকশিং হেঙ্গত্হন্দুনা,মপাঙ্গল হাপচিল্লীবা অমসুং থবক তৌবা ঙমহল্লিবা অদুগুম্বা জাতিদুগী মতিক-মঙম অদু লেপতুনা তাকই৷ লাক্কদৌরীবা মথংগী চহি তরাশিংদদী ভারতনা মালেমগী মনুংদা নহা ওইরীবা মীওইগী খ্বায়দগী য়াম্বা চবুল অদু লৈরগনি৷ চাওখত্নবা লম্বীগী লৌশিংগী নোম্নারোমদা তুংইনবনা ভারতপু পোকপা-শিবা মশিংগী ওইবা শীংলাক্কী খুদোংচাবা অদুগী চৈঙাক ওইহনগনি৷ ঐখোয়গী প্রধান মন্ত্রিগী ৱাফমদা, “২১ শুবা শতাব্দী অদুগীদমক নিংথিজনা শেম-শাবা ঙম্নবা, লোয়শংশিং শাগত্পগী অমসুং মহৈ-মশিং থি-হুম্বা অমদি থবক-তৌবা ঙম্বগী মঙম শাগত্পা অসিনচিংবা লমদা থোয়দোক-হেন্দোকপা মশক অদু পুরক্নবা অনিশুবা ঈথক-ঈপোম শেমগত্নবগী মতম-তঞ্জাদু লাক্লে৷”
চাওরবা থৌদাংসিবু পুক্নিংদা থম্লদুনা, নেস্নেল নোলেজ কমিসন (এন কে সি) অসি ২০০৫গী ওক্তোবর ২ দগীনা ২০০৮গী ওক্তোবর ২ ফাওবগী ওইবা, চহি অহুমগী মতমগী উচলগা লোয়ননা, ২০০৫ গী জুনগী ১৩ দা লিঙ্খতখি৷ ভারতকী প্রধান মন্ত্রিগী মফমদা অৱাংবা থাক্কী পাওতাক্লোয়শিংগী মীফম অমা ওইনা, মহৈ-মশিং বিজ্ঞান অমসুং খুত্নায়রোল, লৌউ-শিংউবা, কল-কারখানা, ই-শাসন (গোভর্ন্যান্স) অসিনচিংবা হীরমশিংদা মীতয়েং থম্লদুনা থৌরম-থৌশিলবু লমজিংনবা অমদি অমুক হন্না শেম-শাববু লমতাক্নবা হুকুম অমা নেস্নেল নোলেজ কমিসন্দা শিন্নরে৷ লৌশিংগী লম্বীদা লায়না ফাওনবা, লৌশিংগী পথাপ্পু শেমগত্পা অমসুং লিদুনা থম্বা, লৌশিংবু মায়কৈ শিনবদা শন্দোকপা অমসুং হেন্না ফবা লৌশিংগী থবকশিং হায়রিবশিং অসি কমিসন অসিগী মরুওইবা হীরমশিংনী৷
|
|
|
