|
|
|
മെഡിക്കല് വിദ്യാഭ്യാസം
ഇന്ത്യയില് ആരോഗ്യ ഉദ്യോഗസ്ഥന്മാരുടെയും ആരോഗ്യ സേവനങ്ങളുടെയും വിതരണത്തില് തെല്ലും സമാനതയില്ല. ഗ്രാമീണ-പട്ടണപ്രദേശങ്ങളില് മാത്രമല്ല വിവിധ സംസ്ഥാനങ്ങളുടെ മധ്യേ പോലും ഭീമമായ വ്യത്യാസമാണ് ഇത് കാണിക്കുന്നത്. വെറും 30 മുതല് 35% വരെ മാത്രം ജനസാന്ദ്രതയുള്ള പട്ടണ പ്രദേശങ്ങളിലാണ് മിക്ക ശിക്ഷണ ആശുപത്രികളും മെഡിക്കല് കോളേജുകളും സ്ഥിതിചെയ്യുന്നത്. ഇന്നത്തെ മെഡിക്കല് വിദ്യാഭ്യാസം കഴിഞ്ഞ 60 വര്ഷങ്ങളായി ഈ ഇരട്ട പരിതസ്ഥതികളെ അഭിമുഖീകരിക്കുന്നതില് പരാജയപ്പെട്ടതായാണ് ആരോഗ്യ പരിപാടികളുടെ വിലയിരുത്തലില് നിന്ന് മനസ്സിലാക്കാന് കഴിയുന്നത്. അതിനാല് വൈദ്യശാസ്ത്രം ശാസ്ത്ര സാങ്കേതിക തലങ്ങളില് കൈവരിച്ച വിസ്മയകരമായ പുരോഗതിക്ക് അനുസൃതമായി നിലവിലുള്ള മെഡിക്കല് കോളേജുകളുടെ പദവി ഉയര്ത്താന് കഴിയും വണ്ണം നമ്മുടെ ആരോഗ്യവ്യവസ്ഥയെ നവീകരിക്കേണ്ടതുണ്ട്. അതേ സമയം ഗ്രാമീണ മെഡിക്കല് വിദ്യാഭ്യാസത്തെ അഭിമുഖീകരിക്കാന്വേണ്ടി നമ്മുടെ ആവശ്യങ്ങള്ക്ക് അനുസൃതമായി ഗ്രാമീണ വിദ്യാഭ്യാസ പരിപാടികള് നടപ്പിലാക്കുന്നതിനും ഗ്രാമീണ ഡോക്ടര്മാര്ക്ക് രാജ്യത്തിനകത്തുള്ള മെഡിക്കല്കോളേജുകളില് പരിശീലനം നല്കുന്നതിനും പര്യാപ്തമാകും വണ്ണം നിലവിലുള്ള കോളേജുകളില് നവീന മാര്ങ്ങള് ഉണ്ടാക്കണം.
ദേശീയ വിജ്ഞാന കമ്മീഷന്റെ പരിഗണനയിലുള്ള ചില പ്രശ്നങ്ങള് ഇവയാണ്:
- പാഠ്യപദ്ധതി, അധ്യാപനം, ആന്തരഘടന, കാര്യ നിര്വ്വഹണം, പ്രവേശനം എന്നിവയെ സംബന്ധിക്കുന്ന പരിമിതികളും, പ്രശ്നങ്ങളും, വെല്ലുവിളികളും
- പുനഃപരിശോധനാ വിധേയമായ അധികൃതവ്യവസ്ഥ യുള്പ്പെടെ ഉത്തമമായ കേന്ദ്രങ്ങള് നിര്മിക്കുകയും, ശരാശരി നിലവാരം ഉയര്ത്തുകയും ചെയ്യാനുള്ള പദ്ധതികള്
- പ്രഗല്ഭരായ ഫാക്കല്ട്ടി അംഗങ്ങളെ ആകര്ഷിക്കാനും നിലനിര്ത്താനും വേണ്ട പദ്ധതികള്
- മെഡിക്കല് കോളേജുകളിലേയും അധ്യാപന ആശുപത്രികളുടെയും ഗവേഷണ പാരമ്പര്യം പ്രോല്സാഹിപ്പിക്കാനും നിലനിര്ത്താനും വേണ്ട നടപടികള്.
- പാരാ-മെഡിക്കല് വിഷയങ്ങളിലെ പ്രൊഫഷണല് വിദ്യാഭ്യാസം കൂടുതല് ശക്തിപ്പെടുത്തുക
- മെഡിക്കല് വിദ്യാഭ്യാസം, പൊതുആരോഗ്യം, വിതരണ വ്യവസ്ഥകള് എന്നിവയ്ക്കിടയില് കൂട്ടായ്മ ഉണ്ടാക്കുക
- മെഡിസിന്റെ പകരവ്യവസ്ഥകളുമായി ബന്ധപ്പെട്ട വിദ്യാഭ്യാസത്തിന്റെ വികസനം.
|
|
|
