|
|
|
ദേശീയ വിജ്ഞാന കമ്മീഷനെ കുറിച്ച്
പൌരന്മാരുടെ മാനുഷികമായ കഴിവുകള് വര്ദ്ധിപ്പിക്കാനുതകുന്ന രീതിയില് അവരെ പ്രാപ്തരാക്കാന് രാജ്യത്തിനുളള കഴിവിനനുസരിച്ചാണ് വിജ്ഞാനം സൃഷ്ടിക്കാനും ഉപയോഗിക്കാനുമുളള ഒരു രാജ്യത്തിന്റെ സാമര്ത്ഥ്യം നിര്ണയിക്കപ്പെടുന്നത്. അടുത്ത ഏതാനം ദശാബ്ദങ്ങള്ക്കുളളില് ലോകത്തില് ഏറ്റവും കൂടുതല് യുവാക്കളുളള രാജ്യം ഭാരതമായിരിക്കും. വിജ്ഞാനത്തില് അധിഷ്ടിതമായ ഒരു വികസന മാതൃക പിന്തുടരുന്നതിലൂടെ ഭാരതത്തിന് ഈ ജനസംഖ്യാ സംബന്ധമായ നേട്ടത്തെ പ്രയോജനപ്പെടുത്താന് കഴിയും. നമ്മുടെ പ്രധാനമന്ത്രിയുടെ അഭിപ്രായത്തില് വിദ്യാഭ്യാസ ഗവേഷണ മേഖലകളിലും മറ്റും കഴിവിന്റേയും സാമര്ത്ഥ്യത്തിന്റേയും ഒരു രണ്ടാം തരംഗം സൃഷ്ടിക്കാന് സമയമായിരിക്കുന്നു എന്നാല് മാത്രമേ നമുക്ക് ഇരുപത്തിയോന്നാം നൂറ്റാണ്ടിനെ ധീരമായി അഭിമുഖീകരിക്കാന് കഴിയൂ.
ഈ ലക്ഷ്യം മുന്നില് കണ്ടുകൊണ്ടാണ് ഒരു മൂന്നുവര്ഷ കാലാവധിയില് അതായത് 2005 ഒക്ടോബര് രണ്ട് മുതല് 2008 ഒക്ടോബര് രണ്ടുവരെ മൂന്നുവര്ഷ കാലാവധിയില് ദേശീയ വിജ്ഞാന കമ്മീഷന് രൂപീകൃതമായത്. പ്രധാനമന്ത്രിയുടെ ഉന്നതോപദേശക സമതി എന്ന നിലയില് വിദ്യാഭ്യാസം, ശാസ്ത്ര സാങ്കേതിക വിദ്യ, കാര്ഷികം, വ്യവസായം, ഈ- ഗവേണന്സ് തുടങ്ങിയ പ്രധാന മേഖലകള്ക്ക് ഊന്നല് കൊടുത്തുകൊണ്ട് പുതിയ നയങ്ങളും പരിഷ്ക്കാരങ്ങളും ഏര്പ്പെടുത്താനുളള അധികാരം ദേശീയ വിജ്ഞാന കമ്മീഷന് കല്പ്പിച്ചു നല്കിയിട്ടുണ്ട്. അറിവ് എളുപ്പത്തില് ലഭ്യമാക്കുക, അറിവ് നേടിയെടുക്കുകയും സംരക്ഷിക്കുകയും ചെയ്യുക തുടങ്ങിയവയൊക്കെയാണ് ദേശിയ വിജ്ഞാന കമ്മീഷന്റെ പ്രധാന ലക്ഷ്യങ്ങള്
|
|
|
